黄二姐初不料如此决撒，登时面色气的铁青，一手指定翠凤嘴脸，恶狠狠数落道：“耐个人好良心耐自家去想想看！耐七岁无拨仔爷娘，落个堂子。我为仔耐苦恼，一径当耐亲生囡仵，梳头缠脚，出理到故歇，陆里一桩事体我得罪仔耐，耐杀死个同我做冤家？耐好良心！耐赎仔身要升高哉呀。我一径望耐升高仔末照应点我老太婆，难故歇末来里照应哉！耐年纪轻轻，生仔实概个良心，无啥好个囗！”一面咬牙切齿的说，一面鼻涕、眼泪一齐迸出。翠凤慌忙眉花眼笑劝道：“无女每（要勿）囗！故末啥要紧嗄？我是耐个讨人呀，赎勿赎末随耐个便。难我勿赎哉，晚歇反得来拨间壁人家听见仔，倒拨俚哚笑话！”

翠凤尚未说完，黄二姐已出房外，揩了把面。赵家女每还在收拾妆奁，略劝两句，黄二姐便向赵家女每道：“倌人自家赎身，客人帮贴末也多煞。倘然罗老爷勿肯帮，价末耐也好算是囡仵，该应搭罗老爷说，挑挑我；阿有啥罗老爷肯帮仔，耐倒勿许罗老爷帮？阿是罗老爷个洋钱耐定归要一干子拿得去？”翠凤在房里吸水烟，听了，笑阻道：“无女每（要勿）说哉呀！我赎身勿赎末哉，再替无女每做十年生意。一节末千把局帐，十年做下来要几花？”自己轮指一算，佯作失惊道：“阿唁，局帐洋钱要三万哚！故是无女每快活得来，连搭仔赎身洋钱也匆要个哉，说道：‘去罢，会罢！’”几句说得子富也不禁发笑起来。

黄二姐隔房答道：“耐（要勿）来浪花言巧语寻我个开心！耐要同我做冤家末做末哉，看耐阿有啥好处！”说着，迈步下楼。赵家女每事毕随去。珠凤、金凤并进房来，皆吓得呆瞪瞪的。

翠凤始埋冤子富道：“耐啥一点无拨清头个嗄！白送拨俚一千洋钱为仔啥囗？有辰光该应耐要用个场花，我搭耐说仔，耐倒也匆是爽爽气气个拿出来；故歇勿该应耐用末，一千也肯哉！”子富抱惭不辨。自是，翠凤赎身之事挠散不提。

延过一日，子富偶阅新闻纸，见后面载着一条道：

前晚，粤人某甲在老旗昌狎妓请客。席间，某乙叫东合兴里姚文君

出局。因姚文君口角忤乙，乙竟大肆咆哮，挥拳殴屏。当经某甲力劝而

散。传闻乙余怒未息，纠合无赖，声言寻仇，欲行入虎穴、探骊珠之计，

因而姚文君匿迹潜踪，不知何往云。

子富阅竟大惊，将这新闻告知翠凤，翠凤却不甚信。子富乃喊管家高升，当面吩咐，令其往大脚姚家打听文君如何吃亏，是否癞头鼋所为。